अपि॑ कृन्ताम्य॒स्मे राय॒स्त्वे राय॒स्तोते॒ रायः॒ सं दे॑वि दे॒व्योर्वश्या॑ पश्यस्व॒ त्वष्टी॑मती ते सपेय सु॒रेता॒ रेतो॒ दधा॑ना वी॒रं ॅवि॑देय॒ तव॑ स॒न्दृशि॒ माऽहꣳरा॒यस्पोषे॑ण॒ वि यो॑षं ॥
पदपाठः (Word-by-word)
अपीति॑ । कृ॒न्ता॒मि॒ । अ॒स्मे इति॑ । रायः॑ । त्वे इति॑ । रायः॑ । तोते᳚ । रायः॑ । समिति॑ । दे॒वि॒ । दे॒व्या । उ॒र्वश्या᳚ । प॒श्य॒स्व॒ । त्वष्टी॑मती । ते॒ । स॒पे॒य॒ । सु॒रेता॒ इति॑ सु - रेताः᳚ । रेतः॑ । दधा॑ना । वी॒रम् । वि॒दे॒य॒ । तव॑ । सं॒दृशीति॑ सं - दृशि॑ । मा॒ । अ॒हम् । रा॒यः । पोषे॑ण । वीति॑ । यो॒ष॒म् ॥