-दिन्द्र॑मे॒व स्वेन॑ भाग॒धेये॒नोप॑ धावति॒ स ए॒वैनं॒ भूतिं॑ गमयति॒ भव॑त्ये॒व यꣳ सू॒त्वा व॒शा स्यात् तमै॒न्द्रमे॒वाऽऽ* ल॑भेतै॒तद्वाव तदि॑न्द्रि॒यꣳ सा॒क्षादे॒वेन्द्रि॒यमव॑ रुन्ध ऐन्द्रा॒ग्नं पु॑नरुथ् सृ॒ष्टमा ल॑भेत॒ य आ तृ॒तीया॒त् पुरु॑षा॒थ् सोमं॒ न पिबे॒द्-विच्छि॑न्नो॒ वा ए॒तस्य॑ सोमपी॒थो यो ब्रा᳚ह्म॒णः सन्ना - [ ]
पदपाठः (Word-by-word)
इन्द्र᳚म् । ए॒व । स्वेन॑ । भा॒ग॒धेये॒नेति॑ भाग - धेये॑न । उपेति॑ । धा॒व॒ति॒ । सः । ए॒व । ए॒न॒म् । भूति᳚म् । ग॒म॒य॒ति॒ । भव॑ति । ए॒व । यम् । सू॒त्वा । व॒शा । स्यात् । तम् । ऐ॒न्द्रम् । ए॒व । एति॑ । ल॒भे॒त॒ । ए॒तत् । वाव । तत् । इ॒न्द्रि॒यम् । सा॒क्षादिति॑ स - अ॒क्षात् । ए॒व । इ॒न्द्रि॒यम् । अवेति॑ । रु॒न्धे॒ । ऐ॒न्द्रा॒ग्नमित्यै᳚न्द्र - अ॒ग्नम् । पु॒न॒रु॒थ्सृ॒ष्टमिति॑ पुनः - उ॒थ्सृ॒ष्टम् । एति॑ । ल॒भे॒त॒ । यः । एति॑ । तृ॒तीया᳚त् । पुरु॑षात् । सोम᳚म् । न । पिबे᳚त् । विच्छि॑न्न॒ इति॒ वि - छि॒न्नः॒ । वै । ए॒तस्य॑ । सो॒म॒पी॒थ इति॑ सोम - पी॒थः । यः । ब्रा॒ह्म॒णः । सन्न् । एति॑ ।