विप्रा॒ ह्ये॑ते यच्छु॑श्रु॒वाꣳसः॑ कविश॒स्त इत्या॑ह क॒वयो॒ ह्ये॑ते यच्छु॑श्रु॒वाꣳसो॒ ब्रह्म॑सꣳशित॒ इत्या॑ह॒ ब्रह्म॑सꣳशितो॒ ह्ये॑ष घृ॒ताह॑वन॒ इत्या॑ह घृताहु॒तिर्ह्य॑स्य प्रि॒यत॑मा प्र॒णीर्य॒ज्ञाना॒मित्या॑ह प्र॒णीर्ह्ये॑ष य॒ज्ञानाꣳ॑ र॒थीर॑द्ध्व॒राणा॒मित्या॑है॒ष हि दे॑वर॒थो॑ऽतूर्तो॒ होतेत्या॑ह॒ न ह्ये॑तं कश्च॒न - [ ]
पदपाठः (Word-by-word)
विप्राः᳚ । हि । ए॒ते । यत् । शु॒श्रु॒वाꣳसः॑ । क॒वि॒श॒स्त इति॑ कवि - श॒स्तः । इति॑ । आ॒ह॒ । क॒वयः॑ । हि । ए॒ते । यत् । शु॒श्रु॒वाꣳसः॑ । ब्रह्म॑सꣳशित॒ इति॒ ब्रह्म॑ - सꣳ॒॒शि॒तः॒ । इति॑ । आ॒ह॒ । ब्रह्म॑सꣳशित॒ इति॒ ब्रह्म॑ - सꣳ॒॒शि॒तः॒ । हि । ए॒षः । घृ॒ताह॑वन॒ इति॑ घृ॒त - आ॒ह॒व॒नः॒ । इति॑ । आ॒ह॒ । घृ॒ता॒हु॒तिरिति॑ घृत-आ॒हु॒तिः । हि । अ॒स्य॒ । प्रि॒यत॒मेति॑ प्रि॒य - त॒मा॒ । प्र॒णीरिति॑ प्र - नीः । य॒ज्ञाना᳚म् । इति॑ । आ॒ह॒ । प्र॒णीरिति॑ प्र-नीः । हि । ए॒षः । य॒ज्ञाना᳚म् । र॒थीः । अ॒द्ध्व॒राणा᳚म् । इति॑ । आ॒ह॒ । ए॒षः । हि । दे॒व॒र॒थ इति॑ देव - र॒थः । अ॒तूर्तः॑ । होता᳚ । इति॑ । आ॒ह॒ । न । हि । ए॒तम् । कः । च॒न ।