र्व॑पे॒द्यं ॅय॒ज्ञो नोप॒नमे॒च्छन्दाꣳ॑सि॒ वै देवि॑का॒श्छन्दाꣳ॑सि॒ खलु॒ वा ए॒तं नोप॑ नमन्ति॒ यं ॅय॒ज्ञो नोप॒नम॑ति प्रथ॒मं धा॒तारं॑ करोति मुख॒त ए॒वास्मै॒ छन्दाꣳ॑सि दधा॒त्युपै॑नं ॅय॒ज्ञो न॑मत्ये॒ता ए॒व निव॑र्पेदीजा॒नश्छन्दाꣳ॑सि॒ वै देवि॑का या॒तया॑मानीव॒ खलु॒ वा ए॒तस्य॒ छन्दाꣳ॑सि॒ य ई॑जा॒न उ॑त्त॒मं धा॒तारं॑ करो - [ ]
पदपाठः (Word-by-word)
व॒पे॒त् । यम् । य॒ज्ञ्ः । न । उ॒प॒नमे॒दित्यु॑प - नमे᳚त् । छन्दाꣳ॑सि । वै । देवि॑काः । छन्दाꣳ॑सि । खलु॑ । वै । ए॒तम् । न । उपेति॑ । न॒म॒न्ति॒ । यम् । य॒ज्ञ्ः । न । उ॒प॒नम॒तीत्यु॑प - नम॑ति । प्र॒थ॒मम् । धा॒तार᳚म् । क॒रो॒ति॒ । मु॒ख॒तः । ए॒व । अ॒स्मै॒ । छन्दाꣳ॑सि । द॒धा॒ति॒ । उपेति॑ । ए॒न॒म् । य॒ज्ञ्ः । न॒म॒ति॒ । ए॒ताः । ए॒व । निरिति॑ । व॒पे॒त् । ई॒जा॒नः । छन्दाꣳ॑सि । वै । देवि॑काः । या॒तया॑मा॒नीति॑ या॒त - या॒मा॒नि॒ । इ॒व॒ । खलु॑ । वै । ए॒तस्य॑ । छन्दाꣳ॑सि । यः । ई॒जा॒नः । उ॒त्त॒ममित्यु॑त् - त॒मम् । धा॒तार᳚म् । क॒रो॒ति॒ ।