अ॒ग्निर्वै᳚श्वान॒रो यद्ब्रा᳚ह्म॒णस्तस्मै᳚ प्रथ॒मामिष्ट॑कां॒ ॅयजु॑ष्कृतां॒ प्रय॑च्छे॒त् तां ब्रा᳚ह्म॒णश्चोप॑ दद्ध्याता-म॒ग्नावे॒व तद॒ग्निं चि॑नुत ईश्व॒रो वा ए॒ष आर्ति॒मार्तो॒र्यो-ऽवि॑द्वा॒निष्ट॑का-मुप॒दधा॑ति॒ त्रीन्. वरा᳚न् दद्या॒त् त्रयो॒ वै प्रा॒णाः प्रा॒णानाꣳ॒॒ स्पृत्यै॒ द्वावे॒व देयौ॒ द्वौ हि प्रा॒णावेक॑ ए॒व देय॒ एको॒ हि प्रा॒णः प॒शु - [ ]
पदपाठः (Word-by-word)
अ॒ग्निः । वै॒श्वा॒न॒रः । यत् । ब्रा॒ह्म॒णः । तस्मै᳚ । प्र॒थ॒माम् । इष्ट॑काम् । यजु॑ष्कृता॒मिति॒ यजुः॑ - कृ॒ता॒म् । प्रेति॑ । य॒च्छे॒त् । ताम् । ब्रा॒ह्म॒णः । च॒ । उपेति॑ । द॒द्ध्या॒ता॒म् । अ॒ग्नौ । ए॒व । तत् । अ॒ग्निम् । चि॒नु॒ते॒ । ई॒श्व॒रः । वै । ए॒षः । आर्ति᳚म् । आर्तो॒रित्या-अ॒र्तोः॒ । यः । अवि॑द्वान् । इष्ट॑काम् । उ॒प॒द॒धा॒तीत्यु॑प - दधा॑ति । त्रीन् । वरान्॑ । द॒द्या॒त् । त्रयः॑ । वै । प्रा॒णा इति॑ प्र - अ॒नाः । प्रा॒णाना॒मिति॑ प्र - अ॒नाना᳚म् । स्पृत्यै᳚ । द्वौ । ए॒व । देयौ᳚ । द्वौ । हि । प्रा॒णाविति॑ प्र - अ॒नौ । एकः॑ । ए॒व । देयः॑ । एकः॑ । हि । प्रा॒ण इति॑ प्र - अ॒नः । प॒शुः ।