द्वि॒पाद॑श्च॒ चतु॑ष्पादश्च॒ तान्. वा ए॒तद॒ग्नौ प्रद॑धाति॒ यत् प॑शुशी॒र्॒.षाण्यु॑प॒-दधा᳚त्य॒-मुमा॑र॒ण्यमनु॑ ते दिशा॒मीत्या॑ह ग्रा॒म्येभ्य॑ ए॒व प॒शुभ्य॑ आर॒ण्यान् प॒शूञ्छुच॒मनूथ्सृ॑जति॒ तस्मा᳚थ् स॒माव॑त् पशू॒नां प्र॒जाय॑मानाना-मार॒ण्याः प॒शवः॒ कनी॑याꣳसः शु॒चा ह्यृ॑ताः स॑र्पशी॒र्॒.षमुप॑ दधाति॒ यैव स॒र्पे त्विषि॒स्तामे॒वाव॑ रुन्धे॒ - [ ]
पदपाठः (Word-by-word)
द्वि॒पाद॒ इति॑ द्वि - पादः॑ । च॒ । चतु॑ष्पाद॒ इति॒ चतुः॑ - पा॒दः॒ । च॒ । तान् । वै । ए॒तत् । अ॒ग्नौ । प्रेति॑ । द॒धा॒ति॒ । यत् । प॒शु॒शी॒र्॒.षाणीति॑ पशु - शी॒र्॒.षाणि॑ । उ॒प॒दधा॒तीत्यु॑प - दधा॑ति । अ॒मुम् । आ॒र॒ण्यम् । अन्विति॑ । ते॒ । दि॒शा॒मि॒ । इति॑ । आ॒ह॒ । ग्रा॒म्येभ्यः॑ । ए॒व । प॒शुभ्य॒ इति॑ प॒शु - भ्यः॒ । आ॒र॒ण्यान् । प॒शून् । शुच᳚म् । अनू॑ । उदिति॑ । सृ॒ज॒ति॒ । तस्मा᳚त् । स॒माव॑त् । प॒शू॒नाम् । प्र॒जाय॑मानाना॒मिति॑ प्र - जाय॑मानानाम् । आ॒र॒ण्याः । प॒शवः॑ । कनी॑याꣳसः । शु॒चा । हि । ऋ॒ताः । स॒र्प॒शी॒र्॒.षमिति॑ सर्प - शी॒र्॒.षम् । उपेति॑ । द॒धा॒ति॒ । या । ए॒व । स॒र्पे । त्विषिः॑ । ताम् । ए॒व । अवेति॑ । रु॒न्धे॒ ।