(ச.பா) அந்த ஈஸ்வரனானவர் இவைகளுக்கு அன்னம் படைக்க விரும்பி முற்கூறப்பட்ட அப் (अप्) திரவியத்தையே அடைந்தார். அவ்வாறு தியானித்து அடையப்பட்டதும் உபாதானமாயும் உள்ள ’அப்’ திரவியத்திலிருந்து ஒரு உருவத்தை தரிக்கும் சாமர்த்தியத்தோடு கூடியதும் ஒரு உருவத்தை உடையதும் சராசர லக்ஷணமாய் உள்ள அன்னங்கள் உண்டாயின. எதனால் அந்த மூர்த்தத்தை அடைந்ததோ அதனால் கை கால்களுடன் கூடியதாயும், வேறு இடங்களில் நெல் முதலியவைகள் போன்று ஒரு உருவத்தைப் பெற்றவையாயும் அந்த அன்னங்கள் ஆயின.