षष्टितमः सर्गः 5.60

तस्य तत् वचनम् श्रुत्वा वालि सूनुः अभाषत । अयुक्तम् तु विना देवीम् दृष्ट्वद्भिश्च वानराः ॥१॥

समीपम् गन्तुमस्माभी राघवस्य महात्मनः । दृष्टा देवी न च आनीता इति तत्र निवेदनम् ॥२॥

अयुक्तम् इव पश्यामि भवद्भिः ख्यात विक्रमैः । न हि वः प्लवते कश्चिन् न अपि कश्चित् पराक्रमे ॥३॥

तुल्यः सामर दैत्येषु लोकेषु हरि सत्तमाः । तेष्व् एवम् हत वीरेषु राक्षसेषु हनूमता ॥४॥

किम् अन्यत् अत्र कर्तव्यम् गृहीत्वा याम जानकीम् । तम् एवम् कृत सम्कल्पम् जाम्बवान् हरि सत्तमः ॥५॥

उवाच परम प्रीतो वाक्यम् अर्थवत् अर्थवित् । न तावत् एषा मतिः अक्षमा नो । यथा भवान् पश्यति राज पुत्र । यथा तु रामस्य मतिः निविष्टा । तथा भवान् पश्यतु कार्य सिद्धिम् ॥६॥