दे॒वास्मा॒ अन्न॒मव॑ रुन्धे मद्ध्य॒त उप॑ दधाति मद्ध्य॒त ए॒वास्मा॒ अन्नं॑ दधाति॒ तस्मा᳚न् मद्ध्य॒तोऽन्न॑मद्यते बार्.हस्प॒त्यो भ॑वति॒ ब्रह्म॒ वै दे॒वानां॒ बृह॒स्पति॒-र्ब्रह्म॑णै॒वास्मा॒ अन्न॒मव॑ रुन्धे ब्रह्मवर्च॒सम॑सि ब्रह्मवर्च॒साय॒ त्वेत्या॑ह तेज॒स्वी ब्र॑ह्मवर्च॒सी भ॑वति॒ यस्यै॒ष उ॑पधी॒यते॒ य उ॑ चैनमे॒वं ॅवेद॑ ॥
पदपाठः (Word-by-word)
ए॒व । अ॒स्मै॒ । अन्न᳚म् । अवेति॑ । रु॒न्धे॒ । म॒द्ध्य॒तः । उपेति॑ । द॒धा॒ति॒ । म॒द्ध्य॒तः । ए॒व । अ॒स्मै॒ । अन्न᳚म् । द॒धा॒ति॒ । तस्मा᳚त् । म॒द्ध्य॒तः । अन्न᳚म् । अ॒द्य॒ते॒ । बा॒र्.॒ह॒स्प॒त्यः । भ॒व॒ति॒ । ब्रह्म॑ । वै । दे॒वाना᳚म् । बृह॒स्पतिः॑ । ब्रह्म॑णा । ए॒व । अ॒स्मै॒ । अन्न᳚म् । अवेति॑ । रु॒न्धे॒ । ब्र॒ह्म॒व॒र्च॒समिति॑ ब्रह्म - व॒र्च॒सम् । अ॒सि॒ । ब्र॒ह्म॒व॒र्च॒सायेति॑ ब्रह्म - व॒र्च॒साय॑ । त्वा॒ । इति॑ । आ॒ह॒ । ते॒ज॒स्वी । ब्र॒ह्म॒व॒र्च॒सीति॑ ब्रह्म - व॒र्च॒सी । भ॒व॒ति॒ । यस्य॑ । ए॒षः । उ॒प॒धी॒यत॒ इत्यु॑प - धी॒यते᳚ । यः । उ॒ । च॒ । ए॒न॒म् । ए॒वम् । वेद॑ ॥