मुख॒त ए॒वास्मा॑ अ॒न्नाद्यं॑ दधात्य॒ग्नेस्त्वा॒ साम्रा᳚ज्येना॒भि षि॑ञ्चा॒मीत्या॑है॒ष वा अ॒ग्नेः स॒वस्तेनै॒वैन॑म॒भि षि॑ञ्चति॒ बृह॒स्पते᳚स्त्वा॒ साम्रा᳚ज्येना॒भिषि॑ञ्चा॒मीत्या॑ह॒ ब्रह्म॒ वै दे॒वानां॒ बृह॒स्पति॒र्ब्रह्म॑णै॒वैन॑म॒भि षि॑ञ्च॒तीन्द्र॑स्य त्वा॒ साम्रा᳚ज्येना॒भि षि॑ञ्चा॒-मीत्या॑हेन्द्रि॒यमे॒वास्मि॑-न्नु॒परि॑ष्टाद् दधात्ये॒ त - [ ]
पदपाठः (Word-by-word)
मु॒ख॒तः । ए॒व । अ॒स्मै॒ । अ॒न्नाद्य॒मित्य॑न्न -अद्य᳚म् । द॒धा॒ति॒ । अ॒ग्नेः । त्वा॒ । साम्रा᳚ज्ये॒नेति॒ सां - रा॒ज्ये॒न॒ । अ॒भीति॑ । सि॒ञ्चा॒मि॒ । इति॑ । आ॒ह॒ । ए॒षः । वै । अ॒ग्नेः । स॒वः । तेन॑ । ए॒व । ए॒न॒म् । अ॒भीति॑ । सि॒ञ्च॒ति॒ । बृह॒स्पतेः᳚ । त्वा॒ । साम्रा᳚ज्ये॒नेति॒ सां-रा॒ज्ये॒न॒ । अ॒भीति॑ । सि॒ञ्चा॒मि॒ । इति॑ । आ॒ह॒ । ब्रह्म॑ । वै । दे॒वाना᳚म् । बृह॒स्पतिः॑ । ब्रह्म॑णा । ए॒व । ए॒न॒म् । अ॒भीति॑ । सि॒ञ्च॒ति॒ । इन्द्र॑स्य । त्वा॒ । साम्रा᳚ज्ये॒नेति॒ सां - रा॒ज्ये॒न॒ । अ॒भीति॑ । सि॒ञ्चा॒मि॒ । इति॑ । आ॒ह॒ । इ॒न्द्रि॒यम् । ए॒व । अ॒स्मि॒न्न् । उ॒परि॑ष्टात् । द॒धा॒ति॒ । ए॒तत् ।