(அக்னிஹோத்ரம் முதலான நித்யகர்மா ஞானத்தால் அழியுமா, அழியாதா என்று ஸந்தேஹம். அகர்த்தாவான ஆத்ம ஸ்வரூப ஞானத்தின் சக்திக்கும் எங்கும் தடையில்லாததால் அதன் பலத்தால் ஞானத்திற்கு முன் இப்பிறவியிலும், முற்பிறவிகளிலும் செய்யப்பட்ட நித்யகர்மாவும் அழிந்து போகுமென்று பூர்வபக்ஷம்.

நித்யகர்மா ஸ்வர்காதி பலனை கொடுப்பது சித்தசுத்தியை கொடுப்பது என்று இரண்டுவிதம். ஸ்வர்கத்தை கொடுப்பது என்ற அம்சம் போனாலும் சித்த சுத்தியைக் கொடுக்கும் அம்சம் அதை கொடுத்து ஞானத்தில் உபயோகமாகிவிட்டதால் அதற்கு நாசமில்லை. சாப்பிட்டு தீர்ந்துபோன நெல்லை நாசமடைந்ததாக யாரும் எண்ணுவதில்லை. ஞானத்திற்குப் பிறகு செய்யும் நித்யகர்மா இவனிடம் ஒட்டுவதில்லை என்று ஸித்தாந்தம்).

புண்ணியத்திற்கும்கூட ஒட்டாமை நாசம் உண்டென்பதில் பாபத்திற்குள்ள நியாயத்தை இழுத்துச் சொல்லப்பட்டது. அவ்விதம் சொன்னது எல்லாவித புண்ணியத்தையும் விஷயமாயுள்ளது என்று சங்கித்து பதில் சொல்கிறார். "அக்னி ஹோத்ரம் முதலியதோ” என்று, “து” என்ற சப்தம் சங்கையை போக்கடிக்கிறது.அக்னிஹோத்ரம் முதலிய எந்த நித்யமான வைதிககர்மா வுண்டோ, அது "அதன் கார்யத்திற்காகவே" ஏற்படுகிறது. ஞானத்திற்கு எது கார்யமோ அதுவே இதற்கும் கார்யம் என்று அர்த்தம் எப்படி? அந்த இவரை பிராஹ்மணர்கள் வேதத்தைத் திரும்பச்சொல்வதினாலும், யக்ஞத்தினாலும் தானத்தினாலும் அறிய விரும்புகிறார்கள். (பிருஹத்.IV-4-22) என்பது முதலியது காணப்படுவதால்,