ச.பா- யார் இந்த ஆயதனத்தை அறிந்தாரோ - ஆயதனம் ஆஸ்ரயத்தைக் குறிப்பிடுகிறது. இதை எவன் ஒருவன் அறிகிறானோ அவன் தன்னுடைய சொந்தங்களுக்கும் மற்ற ஜனங்களுக்கும் ஆயதனம் ஆகிறான். மேலும் ஆயதனம் என்ன என்பது கூறப்படுகிறது. மனமே ஆயதனம். மனதை ஆஸ்ரயித்தே இந்திரியங்களும் அதன் விஷயங்களும் இருக்கின்றன. மனதை ஆஸ்ரயித்தே விஷயங்கள் ஆத்மாவிற்கு போக்கியத்துவம் அடையப்படுகிறது. மனதின் சங்கல்பத்திற்கு வசப்பட்டு இந்திரியங்கள் செயல்படுகின்றன, செயலற்றும் இருக்கின்றன. ஆகையால் மனம் இந்திரியங்களுக்கு ஆயதனம். ஆகையால் இவ்வாறு அறிந்தவன் தர்சனத்தை (உபாசனையை) அனுசரித்து ஆயதனமாகிய பலன் தன் சொந்த ஜனங்களுக்கோ மற்ற ஜனங்களுக்கோ ஆயதனம் ஆகின்றான் (ஆஸ்ரயமாகின்றான்).