அவ்வாறே இந்த சாக்ஷுஷ (நேத்திர) புருஷன் மூலமாய் எந்த இதைவிட கீழே உள்ள லோகங்கள் உள்ளனவோ அவற்றையும், மனுஷ்ய சம்பந்தமான சுகபோகங்களையும் சாக்ஷுஷ புருஷனாகி அடைகின்றான் என்பது பொருள். ஆகையால் இவ்வாறு அறிந்த உத்காதா யஜமானனிடம் உங்களின் எந்த காமனையை பூர்த்தி செய்வதற்காக நான் கானம் செய்யவேண்டும் என்று கேட்கிறார்? ஏன் எனில் அந்த உத்காதாவிற்கு இஷ்டமான காமனைகள் சம்பந்தமான பூர்த்தி செய்கின்ற கானங்களை உத்கானத்தால் அந்த காமனைகளை அடையச்செய்வதில் சாமர்த்தியமுடையவர் ஆகிறார். அந்த உத்காதா யார்? எவர் இவ்வாறு அறிந்து ஸாம கானம் செய்கிறாரோ ஸாமகானம் செய்கிறாரோ அவர். இரண்டுமுறை கூறியது இந்த உபாசனையின் பூர்த்திக்காக ஆகும்.