அந்த ப்ரஹ்மம் தனத்தை சம்பாதிப்பதற்கு யாரும் இல்லாததால் கர்மம் செய்வதில் முயற்சி இல்லாமல் இருந்தது. ஆகையால் அவர் கர்மத்தின் சாதன பூதமான தனத்தை சம்பாதிப்பதற்காக வைசிய ஜாதியை சிருஷ்டித்தார். யார் அந்த வைசியன்? அவர்களோ தேவர்களாய் நிஷ்டை உடையவர்களாய் இருந்தார்கள், அவர்கள் தங்கள் கடமையில் மிகவும் சிரத்தை உள்ளவர்கள் ஆவார்கள், இதன் தாத்பர்யம் என்னவெனில் இந்த தேவஜாதி பேதங்கள் என்று பொருள். அவர்கள் கூட்டம் கூட்டமாய் இருப்பதால் (கணச:) என்று கூறப்படுகிறது. வைசியர்கள் கூட்டமாகவே இருப்பார்கள். அநேகமாய் அவர்கள் செல்வத்தை சம்பாதிப்பதற்கு ஒன்றாய் சேர்ந்தே முயற்சி செய்வார்கள். தனித்தனியாக அல்ல. வசுக்கள் எட்டு எண்ணிக்கை உடையவர்கள், அவ்வாறே ஏகாதச(11) ருத்திரர்கள், த்வாதச(12) ஆதித்தியர்கள், விச்வே தேவர்கள் த்ரயோதச:(13) அல்லது விச்வதேவருடைய புத்திரர்கள் எல்லோரும் அதாவது எல்லா தேவகணங்களும், மருத்கணங்கள் நாற்பத்து ஒன்பது ஆகும்.