त्रिꣳ॒॒शत् । त्रयः॑ । च॒ । ग॒णिनः॑ । रु॒जन्तः॑ । दिव᳚म् । रु॒द्राः । पृ॒थि॒वीम् । च॒ । स॒च॒न्ते॒ ॥ ए॒का॒द॒शासः॑ । अ॒फ्सु॒षद॒ इत्य॑फ्सु-सदः॑ । सु॒तम् । सोम᳚म् । जु॒ष॒न्ता॒म् । सव॑नाय । विश्वे᳚ ॥ उ॒प॒या॒मगृ॑हीत॒ इत्यु॑पया॒म - गृ॒ही॒तः॒ । अ॒सि॒ । आ॒ग्र॒य॒णः । अ॒सि॒ । स्वा᳚ग्रयण॒ इति॒ सु - आ॒ग्र॒य॒णः॒ । जिन्व॑ । य॒ज्ञ्म् । जिन्व॑ । य॒ज्ञ्प॑ति॒मिति॑ य॒ज्ञ् - प॒ति॒म् । अ॒भीति॑ । सव॑ना । पा॒हि॒ । विष्णुः॑ । त्वाम् । पा॒तु॒ । विश᳚म् । त्वम् । पा॒हि॒ । इ॒न्द्रि॒येण॑ । ए॒षः । ते॒ । योनिः॑ । विश्वे᳚भ्यः । त्वा॒ । दे॒वेभ्यः॑ ॥