मूलमात्रम् · The Advaitabharati files do not have this introduction yet; the Sanskrit is from Advaita Sharada, and there is no translation.
संस्कृतम्
தமிழ்
‘जनको ह वैदेहः’ इत्यादि याज्ञवल्कीयं काण्डमारभ्यते ; उपपत्तिप्रधानत्वात् अतिक्रान्तेन मधुकाण्डेन समानार्थत्वेऽपि सति न पुनरुक्तता ; मधुकाण्डं हि आगमप्रधानम् ; आगमोपपत्ती हि आत्मैकत्वप्रकाशनाय प्रवृत्ते शक्नुतः करतलगतबिल्वमिव दर्शयितुम् ; ‘श्रोतव्यो मन्तव्यः’ (बृ. उ. २ । ४ । ५) इति ह्युक्तम् ; तस्मादागमार्थस्यैव परीक्षापूर्वकं निर्धारणाय याज्ञवल्कीयं काण्डमुपपत्तिप्रधानमारभ्यते । आख्यायिका तु विज्ञानस्तुत्यर्था उपायविधिपरा वा ; प्रसिद्धो ह्युपायो विद्वद्भिः शास्त्रेषु च दृष्टः — दानम् ; दानेन ह्युपनमन्ते प्राणिनः ; प्रभूतं हिरण्यं गोसहस्रदानं च इहोपलभ्यते ; तस्मात् अन्यपरेणापि शास्त्रेण विद्याप्राप्त्युपायदानप्रदर्शनार्था आख्यायिका आरब्धा । अपि च तद्विद्यसंयोगः तैश्च सह वादकरणं विद्याप्राप्त्युपायो न्यायविद्यायां दृष्टः ; तच्च अस्मिन्नध्याये प्राबल्येन प्रदर्श्यते ; प्रत्यक्षा च विद्वत्संयोगे प्रज्ञावृद्धिः । तस्मात् विद्याप्राप्त्युपायप्रदर्शनार्थैव आख्यायिका ॥‘ஜநகோ ஹ வைதே3ஹ꞉’ இத்யாதி3 யாஜ்ஞவல்கீயம் காண்ட3மாரப்4யதே ; உபபத்திப்ரதா4நத்வாத் அதிக்ராந்தேந மது4காண்டே3ந ஸமாநார்த2த்வே(அ)பி ஸதி ந புநருக்ததா ; மது4காண்ட3ம் ஹி ஆக3மப்ரதா4நம் ; ஆக3மோபபத்தீ ஹி ஆத்மைகத்வப்ரகாஶநாய ப்ரவ்ருத்தே ஶக்நுத꞉ கரதலக3தபி3ல்வமிவ த3ர்ஶயிதும் ; ‘ஶ்ரோதவ்யோ மந்தவ்ய꞉’ (ப்3ரு. உ. 2 । 4 । 5) இதி ஹ்யுக்தம் ; தஸ்மாதா3க3மார்த2ஸ்யைவ பரீக்ஷாபூர்வகம் நிர்தா4ரணாய யாஜ்ஞவல்கீயம் காண்ட3முபபத்திப்ரதா4நமாரப்4யதே । ஆக்2யாயிகா து விஜ்ஞாநஸ்துத்யர்தா2 உபாயவிதி4பரா வா ; ப்ரஸித்3தோ4 ஹ்யுபாயோ வித்3வத்3பி4꞉ ஶாஸ்த்ரேஷு ச த்3ருஷ்ட꞉ — தா3நம் ; தா3நேந ஹ்யுபநமந்தே ப்ராணிந꞉ ; ப்ரபூ4தம் ஹிரண்யம் கோ3ஸஹஸ்ரதா3நம் ச இஹோபலப்4யதே ; தஸ்மாத் அந்யபரேணாபி ஶாஸ்த்ரேண வித்3யாப்ராப்த்யுபாயதா3நப்ரத3ர்ஶநார்தா2 ஆக்2யாயிகா ஆரப்3தா4 । அபி ச தத்3வித்3யஸம்யோக3꞉ தைஶ்ச ஸஹ வாத3கரணம் வித்3யாப்ராப்த்யுபாயோ ந்யாயவித்3யாயாம் த்3ருஷ்ட꞉ ; தச்ச அஸ்மிந்நத்4யாயே ப்ராப3ல்யேந ப்ரத3ர்ஶ்யதே ; ப்ரத்யக்ஷா ச வித்3வத்ஸம்யோகே3 ப்ரஜ்ஞாவ்ருத்3தி4꞉ । தஸ்மாத் வித்3யாப்ராப்த்யுபாயப்ரத3ர்ஶநார்தை2வ ஆக்2யாயிகா ॥
இப்பகுதிக்கு மொழிபெயர்ப்பு இன்னும் இல்லை.