सर᳚स्वती सा॒धय᳚न्ती॒ धियं᳚ न॒ इळा᳚ दे॒वी भार᳚ती वि॒श्वतू᳚र्तिः ।
ति॒स्रो दे॒वीः स्व॒धया᳚ ब॒र्हिरेदमच्छि᳚द्रं पान्तु शर॒णं नि॒षद्य᳚ ॥
ति॒स्रो दे॒वीः स्व॒धया᳚ ब॒र्हिरेदमच्छि᳚द्रं पान्तु शर॒णं नि॒षद्य᳚ ॥
पदपाठः (Word-by-word)
सर᳚स्वती । सा॒धय᳚न्ती । धिय᳚म् । नः॒ । इळा᳚ । दे॒वी । भार᳚ती । वि॒श्व॑तू᳚र्तिः ।
ति॒स्रः । दे॒वीः । स्व॒धया᳚ । ब॒र्हिः । आ । इ॒दम् । अच्छि᳚द्रम् । पा॒न्तु॒ । श॒र॒णम् । नि॒॑सद्य᳚ ॥
ति॒स्रः । दे॒वीः । स्व॒धया᳚ । ब॒र्हिः । आ । इ॒दम् । अच्छि᳚द्रम् । पा॒न्तु॒ । श॒र॒णम् । नि॒॑सद्य᳚ ॥
सायणभाष्यम् (Sayana Commentary)
नोस्मदीयां धियंबुद्धिंयागंवासाधयन्ती निवर्तयन्ती सरस्वती इळाएतन्नामिकादेवीभारतीच- विश्वतूर्तिर्विश्वानितूर्णानियस्याः सातादृशीसर्वविषयगतावाक् एतदुभयविशेषणं तिस्रोदेवीः एता- स्तिस्रोदेव्यः स्वधयाअस्मद्दत्तहविषा निमित्तेनेदंबर्हिर्यज्ञं अच्छिद्रंयथातथापान्तु किंकृत्वा शरणंया- गगृहं आनिषद्यआश्रित्य यद्वा स्वधयेदं वर्हिरिमंयज्ञमागत्यास्मदीयंशरणं गृहं निषद्याच्छिद्रंयथात- थापान्तु ॥ ८ ॥ अथपिशङ्गरूपइतिनव्मीत्वाष्ट्रेपशौपुरोडाशस्ययाज्या पिशङ्गरूपःसुभरोवयोधाः प्रथमभाजं- यशसंवयोधामितिसूत्रितत्वात् ।