यो ह॒त्वाहि॒मरि᳚णात्स॒प्त सिन्धू॒न्यो गा उ॒दाज᳚दप॒धा व॒लस्य᳚ ।
यो अश्म᳚नोर॒न्तर॒ग्निं ज॒जान᳚ सं॒वृक्स॒मत्सु॒ स ज᳚नास॒ इन्द्र᳚ः ॥
यो अश्म᳚नोर॒न्तर॒ग्निं ज॒जान᳚ सं॒वृक्स॒मत्सु॒ स ज᳚नास॒ इन्द्र᳚ः ॥
पदपाठः (Word-by-word)
यः । ह॒त्वा । अहि᳚म् । अरि᳚णात् । स॒प्त । सिन्धू᳚न् । यः । गाः । उ॒त्॑आज᳚त् । अ॒प॒॑धा । व॒लस्य᳚ ।
यः । अश्म᳚नोः । अ॒न्तः । अ॒ग्निम् । ज॒जान᳚ । स॒म्॑वृक् । स॒मत्॑सु᳚ । सः । ज॒ना॒सः॒ । इन्द्रः᳚ ॥
यः । अश्म᳚नोः । अ॒न्तः । अ॒ग्निम् । ज॒जान᳚ । स॒म्॑वृक् । स॒मत्॑सु᳚ । सः । ज॒ना॒सः॒ । इन्द्रः᳚ ॥
सायणभाष्यम् (Sayana Commentary)
यः अहिंमेघं हत्वा मेघहननंकृत्वासप्तसर्पणशीलाः सिन्धून् स्यन्दनशीलाअपः अरिणात् प्रैरयत् यद्वा सप्तगंगायमुनाद्यामुख्यानदीररिणात् रीङ्श्रवणे क्र्यादिः यश्चबलस्यबलनामकस्यासुरस्यअप- धा तत्कर्तृकात्तिरोधानान्निरुद्धागाउदाजत् निरगमयत् अपधा अपपूर्वाद्दधातेरातश्चोपसर्गेइतिभावे- अङ्प्रत्ययः सुपांसुलुगितिपञ्चम्याआकारः यश्चअश्मनोः अश्नुतेव्याप्नोत्यन्तरिक्षमित्यश्मामेघः अत्य- न्तमृदुरूपयोर्मेघयोरन्तर्मध्येवैद्युतमग्निंजजान उत्पादयामास यश्चसमत्सु संभक्षयन्तियोद्धॄणामायूं- षीतिसमदःसङ्ग्रामाः तेषुसंवृक् हिनस्ति वृणक्तेर्हिंसार्थस्यक्विपिरूपं सइन्द्रोनाहमिति ॥ ३ ॥