इन्द्रो᳚ म॒हां सिन्धु᳚मा॒शया᳚नं माया॒विनं᳚ वृ॒त्रम᳚स्फुर॒न्निः ।
अरे᳚जेतां॒ रोद᳚सी भिया॒ने कनि᳚क्रदतो॒ वृष्णो᳚ अस्य॒ वज्रा᳚त् ॥
अरे᳚जेतां॒ रोद᳚सी भिया॒ने कनि᳚क्रदतो॒ वृष्णो᳚ अस्य॒ वज्रा᳚त् ॥
पदपाठः (Word-by-word)
इन्द्रः᳚ । म॒हाम् । सिन्धु᳚म् । आ॒॑शया᳚नम् । मा॒या॒॑विन᳚म् । वृ॒त्रम् । अ॒स्फु॒र॒त् । निः ।
अरे᳚जेताम् । रोद᳚सी॒ इति᳚ । भि॒या॒ने इति᳚ । कनि᳚क्रदतः । वृष्णः᳚ । अ॒स्य॒ । वज्रा᳚त् ॥
अरे᳚जेताम् । रोद᳚सी॒ इति᳚ । भि॒या॒ने इति᳚ । कनि᳚क्रदतः । वृष्णः᳚ । अ॒स्य॒ । वज्रा᳚त् ॥
सायणभाष्यम् (Sayana Commentary)
बलवानिन्द्रः महांमहान्तंसिन्धुं स्यन्दतेइतस्ततः सञ्चरतीतिसिन्धुर्मेघः तमाशयानं तमधिष्ठायश- यानंमायाविनंवृत्रमसुरं यद्वा सिन्धुरुदकंतदधिष्ठायशयानं वृत्रंवृणोत्याकाशमिति वृत्रोमेघः तंनिर- स्फुरत् निरहन् वृष्णःवर्षकस्यअस्येन्द्रस्यकनिक्रदतः शब्दंकुर्वाणाद्वज्रात् भियानेभयंप्राप्तेरोदसीद्या- वाप्रुथिव्यौ अरेजेतां अकंपेतांदाधर्तिदर्धर्तीत्यादिनाकनिक्रदच्छब्दोनिपातितः ॥ ९ ॥