आ द्यां त᳚नोषि र॒श्मिभि॒रान्तरि᳚क्षमु॒रु प्रि॒यम् ।
उषः᳚ शु॒क्रेण᳚ शो॒चिषा᳚ ॥
उषः᳚ शु॒क्रेण᳚ शो॒चिषा᳚ ॥
पदपाठः (Word-by-word)
आ । द्याम् । त॒नो॒षि॒ । र॒श्मि॑भिः᳚ । आ । अ॒न्तरि᳚क्षम् । उ॒रु । प्रि॒यम् ।
उषः᳚ । शु॒क्रेण᳚ । शो॒चिषा᳚ ॥
उषः᳚ । शु॒क्रेण᳚ । शो॒चिषा᳚ ॥
सायणभाष्यम् (Sayana Commentary)
आद्यां तनोषीत्येषा देवानां हविःषूषसोऽनुवाक्या । सूत्रितं च । आ द्यां तनोषि रश्मिभिरावहन्ती पोष्या वार्याणि । आ. ६-१४ ॥ इति ॥
हे उषो रश्मिभिर्द्यां दिवमा तनोषि । उरु विस्तीर्णं प्रियमन्तरिक्षं रश्मिभिरा तनोषि । शुक्रेण दीप्तेन शोचिषा प्रकाशेन युक्ता सत्येवं करोषि ॥ ७ ॥