प्रत्यग्निरुष इति पञ्चर्चं चतुर्थं सूक्तं वामदेवस्यार्षं त्रैष्टुभमाग्नेयं मान्त्रवर्णिकदैवतं वा । तथा चानुक्रान्तम् । प्रत्यग्निरिति । लिङ्गोक्तदैवतं त्विति तुशब्दादस्यापि सूक्तस्य लिङ्गोक्तदैवतत्वं ॥ विनियोगो लैङ्गिकः ॥

देवो द्योतमानो जातवेदा जातधनोऽग्निर्महोभिस्तेजोभी रोचमाना दीप्यमाना उषसः प्रत्युषसो लक्षीकृत्याख्यत् । प्रवृद्धो भवति । उरुगाया प्रभूतगमनौ हे नासत्याश्विनौ रथेन नोऽस्मदीयमिमं यज्ञमच्छाभिमुखमुप यातम् । उपगच्छतं ॥ १ ॥