उ॒त त्या य᳚ज॒ता हरी᳚ कुमा॒रात्सा᳚हदे॒व्यात् ।
प्रय᳚ता स॒द्य आ द᳚दे ॥
प्रय᳚ता स॒द्य आ द᳚दे ॥
पदपाठः (Word-by-word)
उ॒त । त्या । य॒ज॒ता । हरी॒ इति᳚ । कु॒मा॒रात् । सा॒ह॒दे॒व्यात् ।
प्र॑य᳚ता । स॒द्यः । आ । द॒दे॒ ॥
प्र॑य᳚ता । स॒द्यः । आ । द॒दे॒ ॥
सायणभाष्यम् (Sayana Commentary)
उतापि च साहदेव्यात्सहदेवस्य पुत्रात्कुमारात्सोमकाद्राज्ञो यजता पूजनीयौ प्रयता प्रयतौ त्या त्यौ तौ प्रसिद्धौ हरी अश्वौ सद्यो ऋस्मिन्दिने तेनाहूतस्तस्मिन्नेव दिन आ ददे । आदत्तवानस्मि । मन्त्रद्रष्टा ऋषिर्बोधदित्यृग्द्वयेन कुमारमश्वेप्सयाभ्युपगम्याश्वावेतस्माल्लब्ध्वा प्रीतोऽभवदित्यर्थः ॥ ८ ॥