त्वा यु॒जा नि खि᳚द॒त्सूर्य॒स्येन्द्र᳚श्च॒क्रं सह᳚सा स॒द्य इ᳚न्दो ।
अधि॒ ष्णुना᳚ बृह॒ता वर्त᳚मानं म॒हो द्रु॒हो अप᳚ वि॒श्वायु᳚ धायि ॥
अधि॒ ष्णुना᳚ बृह॒ता वर्त᳚मानं म॒हो द्रु॒हो अप᳚ वि॒श्वायु᳚ धायि ॥
पदपाठः (Word-by-word)
त्वा । यु॒जा । नि । खि॒द॒त् । सूर्य᳚स्य । इन्द्रः᳚ । च॒क्रम् । सह᳚सा । स॒द्यः । इ॒न्दो॒ इति᳚ ।
अधि᳚ । स्नुना᳚ । बृ॒ह॒ता । वर्त᳚मानम् । म॒हः । द्रु॒हः । अप᳚ । वि॒श्व॑आ᳚यु । धा॒यि॒ ॥
अधि᳚ । स्नुना᳚ । बृ॒ह॒ता । वर्त᳚मानम् । म॒हः । द्रु॒हः । अप᳚ । वि॒श्व॑आ᳚यु । धा॒यि॒ ॥
सायणभाष्यम् (Sayana Commentary)
हे इन्दो सोम इन्द्रः सद्यः सपदि त्वा त्वया युजा सहायेन सूर्यस्य प्रेरकस्य सवितुः सम्बन्धिनः पूर्वं द्विचक्रस्य रथस्यैकं चक्रं सहसाभिभावुकेन बलेन नि खिदत् । आच्छिनत् । कीदृशम् । अधि उपरि स्नुना स्थितेन बृहता महतान्तरिक्षेन वर्तमानम् । किञ्च महो महतः प्रभूतस्य द्रुहो द्रोग्धुः सूर्यस्य सम्बन्धि विश्वायु सर्वतो गन्तृ चक्रमप धायि । इन्द्रेणापाहारि ॥ २ ॥