कस्त्वा᳚ स॒त्यो मदा᳚नां॒ मंहि᳚ष्ठो मत्स॒दन्ध᳚सः ।
दृ॒ळ्हा चि᳚दा॒रुजे॒ वसु᳚ ॥
दृ॒ळ्हा चि᳚दा॒रुजे॒ वसु᳚ ॥
पदपाठः (Word-by-word)
कः । त्वा॒ । स॒त्यः । मदा᳚नाम् । मंहि᳚ष्ठः । म॒त्स॒त् । अन्ध᳚सः ।
दृ॒ळ्हा । चि॒त् । आ॒॑रुजे᳚ । वसु᳚ ॥
दृ॒ळ्हा । चि॒त् । आ॒॑रुजे᳚ । वसु᳚ ॥
सायणभाष्यम् (Sayana Commentary)
मंहिष्ठः पूजनीयः सत्यः सत्यभूतो मदानां मादयितॄणां मध्ये को मदकरोऽन्धसः सोमस्य रसो दृळ्हा चित् दृढान्यपि वसु वसूनि शत्रूणां धननन्यारुज आ समन्ताद्भंक्तुं हे इन्द्र त्वा त्वां मत्सत् । मादयेत् ॥ २ ॥