वायो᳚ श॒तं हरी᳚णां यु॒वस्व॒ पोष्या᳚णाम् ।
उ॒त वा᳚ ते सह॒स्रिणो॒ रथ॒ आ या᳚तु॒ पाज᳚सा ॥
उ॒त वा᳚ ते सह॒स्रिणो॒ रथ॒ आ या᳚तु॒ पाज᳚सा ॥
पदपाठः (Word-by-word)
वायो॒ इति᳚ । श॒तम् । हरी᳚णाम् । यु॒वस्व᳚ । पोष्या᳚णाम् ।
उ॒त । वा॒ । ते॒ । स॒ह॒स्रिणः᳚ । रथः᳚ । आ । या॒तु॒ । पाज᳚सा ॥
उ॒त । वा॒ । ते॒ । स॒ह॒स्रिणः᳚ । रथः᳚ । आ । या॒तु॒ । पाज᳚सा ॥
सायणभाष्यम् (Sayana Commentary)
वायो शतमिति पञ्चमी पूर्वोक्त एव तृचे तृतीया । सूत्रं पूर्वमेवोक्तम् ।
हे वायो त्वं पोष्याणां पोषणीयानां हरीणां शतं युवस्व । योजय रथे । उत वा अथवा ते सहस्रिणः सहस्रसङ्ख्यापूरका अश्वाः । तैर्युक्तो रथः पाजसा बलेना यातु । आगच्छतु ॥ ५ ॥