शि॒वा नः᳚ स॒ख्या सन्तु᳚ भ्रा॒त्राग्ने᳚ दे॒वेषु᳚ यु॒ष्मे ।
सा नो॒ नाभि॒ः सद᳚ने॒ सस्मि॒न्नूध᳚न् ॥
सा नो॒ नाभि॒ः सद᳚ने॒ सस्मि॒न्नूध᳚न् ॥
पदपाठः (Word-by-word)
शि॒वा । नः॒ । स॒ख्या । सन्तु᳚ । भ्रा॒त्रा । अग्ने᳚ । दे॒वेषु᳚ । यु॒ष्मे इति᳚ ।
सा । नः॒ । नाभिः᳚ । सद᳚ने । सस्मि᳚न् । ऊध᳚न् ॥
सा । नः॒ । नाभिः᳚ । सद᳚ने । सस्मि᳚न् । ऊध᳚न् ॥
सायणभाष्यम् (Sayana Commentary)
हे अग्ने नोऽस्मदीयानि सख्या सख्यानि सखित्वानि भ्रात्रा भ्रात्राणिभ्रातृसम्बन्धीनि कर्माणि देवेषु द्योतमानेषु युष्मे युष्मासु । सुपां सुलुगिति सप्तमी बहुवचनस्य शे आदेशः । शिवा शिवानि सन्तु । मङ्गलानि भवन्तु । सा सखित्वाभ्रातृकर्म सन्ततिः सदने देवानां स्थाने सस्मिन्नूधनि सर्वस्मिन्यज्ञे नोऽस्माकं नाभिर्बन्धनं भवति ॥ ८ ॥