आ हि ष्मा॒ याति॒ नर्य᳚श्चिकि॒त्वान्हू॒यमा᳚नः सो॒तृभि॒रुप᳚ य॒ज्ञम् ।
स्वश्वो॒ यो अभी᳚रु॒र्मन्य᳚मानः सुष्वा॒णेभि॒र्मद᳚ति॒ सं ह᳚ वी॒रैः ॥
स्वश्वो॒ यो अभी᳚रु॒र्मन्य᳚मानः सुष्वा॒णेभि॒र्मद᳚ति॒ सं ह᳚ वी॒रैः ॥
पदपाठः (Word-by-word)
आ । हि । स्म॒ । याति᳚ । नर्यः᳚ । चि॒कि॒त्वान् । हू॒यमा᳚नः । सो॒तृ॑भिः᳚ । उप᳚ । य॒ज्ञम् ।
सु॒॑अश्वः᳚ । यः । अभी᳚रुः । मन्य᳚मानः । सु॒॑स्वा॒णेभिः᳚ । मद᳚ति । सम् । ह॒ । वी॒रैः ॥
सु॒॑अश्वः᳚ । यः । अभी᳚रुः । मन्य᳚मानः । सु॒॑स्वा॒णेभिः᳚ । मद᳚ति । सम् । ह॒ । वी॒रैः ॥
सायणभाष्यम् (Sayana Commentary)
नर्यो नृभ्यो हितश्चिकित्वान् सर्वं जानन् सोतृभिः सोममभिषुण्वद्भिरृत्विग्भिर्हूयमान आहूयमान इन्द्रोऽस्मदीयं यज्ञमुप प्रति आ याति । आगच्छतु । हिस्मेति पूरणौ । स्वश्वः शोभनाश्वोपेतोऽभीरुर्निर्भयशीलः सुस्वानेभिः सुन्वद्भिर्यजमानैर्मन्यमानः स्तूयमानो य इन्द्रो वीरैः शूरैर्मरुद्भिः सह सं मदति ह सह माद्यत्येव । स इन्द्र आगच्छत्विति पूर्वेण सम्बन्धः ॥ २ ॥