श्रा॒वयेद᳚स्य॒ कर्णा᳚ वाज॒यध्यै॒ जुष्टा॒मनु॒ प्र दिशं᳚ मन्द॒यध्यै᳚ ।
उ॒द्वा॒वृ॒षा॒णो राध᳚से॒ तुवि᳚ष्मा॒न्कर᳚न्न॒ इन्द्र᳚ः सुती॒र्थाभ᳚यं च ॥
उ॒द्वा॒वृ॒षा॒णो राध᳚से॒ तुवि᳚ष्मा॒न्कर᳚न्न॒ इन्द्र᳚ः सुती॒र्थाभ᳚यं च ॥
पदपाठः (Word-by-word)
श्र॒वय᳚ । इत् । अ॒स्य॒ । कर्णा᳚ । वा॒ज॒यध्यै᳚ । जुष्टा᳚म् । अनु᳚ । प्र । दिश᳚म् । म॒न्द॒यध्यै᳚ ।
उ॒त्॑व॒वृ॒षा॒णः । राध᳚से । तुवि᳚ष्मान् । कर᳚त् । नः॒ । इन्द्रः᳚ । सु॒॑ती॒र्था । अभ᳚यम् । च॒ ॥
उ॒त्॑व॒वृ॒षा॒णः । राध᳚से । तुवि᳚ष्मान् । कर᳚त् । नः॒ । इन्द्रः᳚ । सु॒॑ती॒र्था । अभ᳚यम् । च॒ ॥
सायणभाष्यम् (Sayana Commentary)
हे स्तोतस्त्वमस्येन्द्रस्य सम्बन्धिनौ कर्णा कर्णौ वाजयध्या इन्द्रं बलिनं कर्तुं जुष्टामनु दिशं सेवितासु सर्वासु दिक्शु प्र मन्दयध्यै प्रकर्षेणेन्द्रं मादयितुं च श्रवय । स्तोत्राणि श्रावय । इदिति पूरणः । उद्ववृषाणः सोमेनोत्सिच्यमानस्तुविष्मान्बलवानिन्द्रो नोऽस्माकं राधसे धनार्थं सुतीर्था शोभनानि तीर्थान्यभयं च भयराहित्यं च करत् । करोतु ॥ ३ ॥