म॒हश्च᳚र्क॒र्म्यर्व᳚तः क्रतु॒प्रा द᳚धि॒क्राव्ण᳚ः पुरु॒वार᳚स्य॒ वृष्ण᳚ः ।
यं पू॒रुभ्यो᳚ दीदि॒वांसं॒ नाग्निं द॒दथु᳚र्मित्रावरुणा॒ ततु᳚रिम् ॥
यं पू॒रुभ्यो᳚ दीदि॒वांसं॒ नाग्निं द॒दथु᳚र्मित्रावरुणा॒ ततु᳚रिम् ॥
पदपाठः (Word-by-word)
म॒हः । च॒र्क॒र्मि॒ । अर्व᳚तः । क्र॒तु॒॑प्राः । द॒धि॒॑क्राव्णः᳚ । पु॒रु॒॑वार᳚स्य । वृष्णः᳚ ।
यम् । पू॒रु॑भ्यः᳚ । दी॒दि॒॑वांस᳚म् । न । अ॒ग्निम् । द॒दथुः᳚ । मि॒त्रा॒व॒रु॒णा॒ । ततु᳚रिम् ॥
यम् । पू॒रु॑भ्यः᳚ । दी॒दि॒॑वांस᳚म् । न । अ॒ग्निम् । द॒दथुः᳚ । मि॒त्रा॒व॒रु॒णा॒ । ततु᳚रिम् ॥
सायणभाष्यम् (Sayana Commentary)
क्रतुप्राः कर्मणां पूरकोऽहं महो महतोऽर्वतोऽरणवतः पुरुवारस्य बहुभिर्वरणीयस्य वृष्णो वर्षकस्य दधिक्राव्णः स्तुतिं चर्कर्मि । अत्यर्थं करोमि । हे मित्रावरुना मित्रावरुणौ युवां ततुरिं तारकं यं दीदिवांसं नाग्निं दीप्यमानमग्निमिव स्थितं पुरुभ्यो मनुष्येभ्यस्तेषामुपकाराय ददथुः । धारयथः ॥ २ ॥