म॒क्षू हि ष्मा॒ गच्छ᳚थ॒ ईव᳚तो॒ द्यूनिन्द्रो॒ न श॒क्तिं परि᳚तक्म्यायाम् ।
दि॒व आजा᳚ता दि॒व्या सु᳚प॒र्णा कया॒ शची᳚नां भवथ॒ः शचि᳚ष्ठा ॥
दि॒व आजा᳚ता दि॒व्या सु᳚प॒र्णा कया॒ शची᳚नां भवथ॒ः शचि᳚ष्ठा ॥
पदपाठः (Word-by-word)
म॒क्षु । हि । स्म॒ । गच्छ᳚थः । ईव᳚तः । द्यून् । इन्द्रः᳚ । न । श॒क्तिम् । परि᳚॑तक्म्यायाम् ।
दि॒वः । आ॑जा᳚ता । दि॒व्या । सु॒॑प॒र्णा । कया᳚ । शची᳚नाम् । भ॒व॒थः॒ । शचि᳚ष्ठा ॥
दि॒वः । आ॑जा᳚ता । दि॒व्या । सु॒॑प॒र्णा । कया᳚ । शची᳚नाम् । भ॒व॒थः॒ । शचि᳚ष्ठा ॥
सायणभाष्यम् (Sayana Commentary)
मक्षु शीघ्रम् । हि स्मेति पूरणौ । ईवतो गमनवत आगामिनो द्यून्दिवसान् सुत्यासम्बन्धिनः प्रति गच्छथः । इन्द्रः शक्तिं न स्वकीयां शक्तिं यथा परितक्म्यायां रात्रावतीतायाम् । प्रदर्शयतीति शेषः । स्तुत्याहन्युषःकाल इन्द्रो यथा गच्छति तद्वद्युवामपि गच्छतमित्यर्थः । दिवो द्युलोकादाजातागतौ दिव्या दिवि भवौ सुपर्णा शोभनगमनौ युवां शचीनां युष्मत्सम्बन्धिनां कर्मणां शक्तीनां वा मध्ये कया शच्या शचिष्ठा शक्तिमत्तरौ शोभनकर्मवन्तौ वा भवथः ॥ ३ ॥