दे॒वेभ्यो॒ हि प्र᳚थ॒मं य॒ज्ञिये᳚भ्यो॑मृत॒त्वं सु॒वसि᳚ भा॒गमु᳚त्त॒मम् ।
आदिद्दा॒मानं᳚ सवित॒र्व्यू᳚र्णुषे॑नूची॒ना जी᳚वि॒ता मानु᳚षेभ्यः ॥
आदिद्दा॒मानं᳚ सवित॒र्व्यू᳚र्णुषे॑नूची॒ना जी᳚वि॒ता मानु᳚षेभ्यः ॥
पदपाठः (Word-by-word)
दे॒वेभ्यः᳚ । हि । प्र॒थ॒मम् । य॒ज्ञिये᳚भ्यः । अ॒मृ॒त॒॑त्वम् । सु॒वसि᳚ । भा॒गम् । उ॒त्॑त॒मम् ।
आत् । इत् । दा॒मान᳚म् । स॒वि॒तः॒ । वि । ऊ॒र्णु॒षे॒ । अ॒नू॒ची॒ना । जी॒वि॒ता । मानु᳚षेभ्यः ॥
आत् । इत् । दा॒मान᳚म् । स॒वि॒तः॒ । वि । ऊ॒र्णु॒षे॒ । अ॒नू॒ची॒ना । जी॒वि॒ता । मानु᳚षेभ्यः ॥
सायणभाष्यम् (Sayana Commentary)
प्रथमं देवेभ्यो हि । हिशब्दः प्रसिद्धौ । देवेभ्यो यज्ञियेभ्यो यज्ञार्हेभ्योऽमृतत्वं तत्साधनमुत्तममुत्क्रुष्टतमं भागं सोमादिलक्षनं सुवसि । अनुजानासि । आदिदनन्तरमेव दामानं हविषां दातारं हे सवितर्व्यूर्णुषे । प्रकाशयसि । मानुषेभ्यो यजमानेभ्यो जीविता जीवितान्यनूचीनानुक्रमयुक्तानि । पित्रुपुत्रपौत्रा इत्यनुक्रमः । ईदृशानि जीवितानि पश्चाद्व्यूर्णुषे ॥ २ ॥