इन्द्र᳚ज्येष्ठान्बृ॒हद्भ्य॒ः पर्व᳚तेभ्य॒ः क्षया{4}᳚ एभ्यः सुवसि प॒स्त्या᳚वतः ।
यथा᳚यथा प॒तय᳚न्तो वियेमि॒र ए॒वैव त᳚स्थुः सवितः स॒वाय᳚ ते ॥
यथा᳚यथा प॒तय᳚न्तो वियेमि॒र ए॒वैव त᳚स्थुः सवितः स॒वाय᳚ ते ॥
पदपाठः (Word-by-word)
इन्द्र᳚॑ज्येष्ठान् । बृ॒हत्॑भ्यः᳚ । पर्व᳚तेभ्यः । क्षया᳚न् । ए॒भ्यः॒ । सु॒व॒सि॒ । प॒स्त्य᳚॑वतः ।
यथा᳚॑यथा । प॒तय᳚न्तः । वि॒॑ये॒मि॒रे । ए॒व । ए॒व । त॒स्थुः॒ । स॒वि॒त॒रिति᳚ । स॒वाय᳚ । ते॒ ॥
यथा᳚॑यथा । प॒तय᳚न्तः । वि॒॑ये॒मि॒रे । ए॒व । ए॒व । त॒स्थुः॒ । स॒वि॒त॒रिति᳚ । स॒वाय᳚ । ते॒ ॥
सायणभाष्यम् (Sayana Commentary)
हे सवितरिन्द्रज्येष्थान् । इन्द्रः परमैश्वर्ययुक्तस्त्वमेवेन्द्रो वा ज्येष्थो ज्यायान् पूज्यो येशां ते तादृशाः । तानस्मान्बृहद्भ्यो महद्भ्यः पर्वतेभ्योऽप्यधिकान् सुवसि । प्रेरयसि । किञ्च एभ्यो यजमानेभ्यः पस्त्यावतो ग्रुहवतः क्षयान्निवासान् ग्रामनगरादीन् सुवसि । प्रेरयसि । यथा यथा पतयन्तो गच्छन्तस्त्वां वियेमिरे । विनियम्यन्ते त्वया । ते तव सवायानुज्ञाया एवैवैवमेव नियमनमनतिक्रम्य तस्थुः । तिष्थन्ति ॥ ५ ॥