अचि᳚त्ती॒ यच्च᳚कृ॒मा दैव्ये॒ जने᳚ दी॒नैर्दक्षै॒ः प्रभू᳚ती पूरुष॒त्वता᳚ ।
दे॒वेषु᳚ च सवित॒र्मानु᳚षेषु च॒ त्वं नो॒ अत्र᳚ सुवता॒दना᳚गसः ॥
दे॒वेषु᳚ च सवित॒र्मानु᳚षेषु च॒ त्वं नो॒ अत्र᳚ सुवता॒दना᳚गसः ॥
पदपाठः (Word-by-word)
अचि᳚त्ती । यत् । च॒कृ॒म । दैव्ये᳚ । जने᳚ । दी॒नैः । दक्षः᳚ । प्र॑भू᳚ती । पु॒रु॒ष॒त्वता᳚ ।
दे॒वेषु᳚ । च॒ । स॒वि॒तः॒ । मानु᳚षेषु । च॒ । त्वम् । नः॒ । अत्र᳚ । सु॒व॒ता॒त् । अना᳚गसः ॥
दे॒वेषु᳚ । च॒ । स॒वि॒तः॒ । मानु᳚षेषु । च॒ । त्वम् । नः॒ । अत्र᳚ । सु॒व॒ता॒त् । अना᳚गसः ॥
सायणभाष्यम् (Sayana Commentary)
हे सवितर्वयमचित्ती अप्रज्ञया दैव्ये जने देवे त्वयि दीनैर्दुर्बलैः पुत्रादिभिऋत्विग्भिर्व तथा दक्षैः प्रव्रुद्धैर्वा तैह् प्रभूती प्रभूत्या । ऐश्वर्यमदेनेति यावत् । पुरुषत्वता पुरुषवत्तया च यदागमश्च कृम । न केवलं त्वय्येव कृतमपि तु देवेश्वन्येशु मानुषेषु चाज्ञानादिभिर्यच्च कृम नः क्रुतवतोऽस्मान् त्वमत्रास्मिन्कर्मण्यनागसः सुवतात् । अनुजानीहि ॥ ३ ॥