हे अग्ने देवानामिन्द्रादीनामुत अपि च मर्त्यानां मनुष्याणामभिकेऽन्तिके । अभीक इत्त्यन्तिकनामैतत् । अस्माभिर्यत्पापं क्रुतं महश्चिन्महतोऽप्यूर्वाद्विस्तृतादस्मादेनसः पापात्ते त्वदीयाः सखायो मित्रभूताः स्तोतारो वयं सदमित्सर्वदैव मा रिषाम । मा हिंसिता भूम । हे अग्ने त्वं तोकाय पुत्राय तनयाय पौत्राय शं पापरूपोपद्रवाणां शान्तिं योः सुकृतोत्पादितं सुखं च यच्छ । देहि ॥ ५ ॥