आ नो᳚ यातं दि॒वो अच्छा᳚ पृथि॒व्या हि᳚र॒ण्यये᳚न सु॒वृता॒ रथे᳚न ।
मा वा᳚म॒न्ये नि य᳚मन्देव॒यन्त॒ः सं यद्द॒दे नाभि᳚ः पू॒र्व्या वा᳚म् ॥
मा वा᳚म॒न्ये नि य᳚मन्देव॒यन्त॒ः सं यद्द॒दे नाभि᳚ः पू॒र्व्या वा᳚म् ॥
पदपाठः (Word-by-word)
आ । नः॒ । या॒त॒म् । दि॒वः । अच्छ᳚ । पृ॒थि॒व्याः । हि॒र॒ण्यये᳚न । सु॒॑वृता᳚ । रथे᳚न ।
मा । वा॒म् । अ॒न्ये । नि । य॒म॒न् । दे॒व॒॑यन्तः᳚ । सम् । यत् । द॒दे । नाभिः᳚ । पू॒र्व्या । वा॒म् ॥
मा । वा॒म् । अ॒न्ये । नि । य॒म॒न् । दे॒व॒॑यन्तः᳚ । सम् । यत् । द॒दे । नाभिः᳚ । पू॒र्व्या । वा॒म् ॥
सायणभाष्यम् (Sayana Commentary)
नोऽस्मानच्छाभि प्राप्तुं दिवो द्युलोकात्पृथिव्याः सकाशाद्वा आ यातम् । केन साधनेन । हिरण्ययेन हितरमणीयेन सुवृता शोभनवर्तनेन रथेन । वां युवानमन्ये देवयन्तो देवौ युवामिच्छन्तो यजमाना मा नि यमन् । नियमनं मा कुर्वन् । यद्यस्मात्पूर्व्या पूर्वार्हेतरयष्टृभ्यः पूर्वभाविनी नाभिर्बन्धिका स्तुतिः सं ददे । सम्बध्नाति । तस्मादायातम् ॥ ५ ॥