पु॒ना॒ने त॒न्वा᳚ मि॒थः स्वेन॒ दक्षे᳚ण राजथः ।
ऊ॒ह्याथे᳚ स॒नादृ॒तम् ॥
ऊ॒ह्याथे᳚ स॒नादृ॒तम् ॥
पदपाठः (Word-by-word)
पु॒ना॒ने इति᳚ । त॒न्वा᳚ । मि॒थः । स्वेन᳚ । दक्षे᳚ण । रा॒ज॒थः॒ ।
ऊ॒ह्याथे॒ इति᳚ । स॒नात् । ऋ॒तम् ॥
ऊ॒ह्याथे॒ इति᳚ । स॒नात् । ऋ॒तम् ॥
सायणभाष्यम् (Sayana Commentary)
हे देव्यौ तन्वा स्वकीयया मूर्त्या स्वेन दक्षेण बलेन च मिथः प्रत्येकं पुनाने शोधयन्त्यौ यज्ञं यजमानं वा युवां राजथः । यद्वा । तन्वा स्वस्वशरीरैकदेशेन मिथः परस्परं पुनाने शोधयन्तौ । द्यौः स्वीयेनासारेण भुवं सा च स्वकीयेन कार्श्येन चन्द्रमसि स्थितेन दिवमिति विवेकः । सनात्सदाकालमृतं यज्ञमूह्याथे । वहथः ॥ ६ ॥