को ना᳚नाम॒ वच᳚सा सो॒म्याय᳚ मना॒युर्वा᳚ भवति॒ वस्त᳚ उ॒स्राः ।
क इन्द्र᳚स्य॒ युज्यं॒ कः स᳚खि॒त्वं को भ्रा॒त्रं व᳚ष्टि क॒वये॒ क ऊ॒ती ॥
क इन्द्र᳚स्य॒ युज्यं॒ कः स᳚खि॒त्वं को भ्रा॒त्रं व᳚ष्टि क॒वये॒ क ऊ॒ती ॥
पदपाठः (Word-by-word)
कः । न॒ना॒म॒ । वच᳚सा । सो॒म्याय᳚ । म॒ना॒युः । वा॒ । भ॒व॒ति॒ । वस्ते᳚ । उ॒स्राः ।
कः । इन्द्र᳚स्य । युज्य᳚म् । कः । स॒खि॒॑त्वम् । कः । भ्रा॒त्रम् । व॒ष्टि॒ । क॒वये᳚ । कः । ऊ॒ती ॥
कः । इन्द्र᳚स्य । युज्य᳚म् । कः । स॒खि॒॑त्वम् । कः । भ्रा॒त्रम् । व॒ष्टि॒ । क॒वये᳚ । कः । ऊ॒ती ॥
सायणभाष्यम् (Sayana Commentary)
को यजमानो वचसा वाग्रूपया स्तुत्या सोम्याय सोमार्हायेंद्राय ननाम । नमति । प्रह्वीभवति । को वेन्द्राय मनायुर्भवति । स्तुतिकामोऽस्ति । क उस्रा इन्द्रेण दत्ता गा वस्ते । आच्छादयति । धारयतीत्यर्थः । क इन्द्रस्य युज्यं साहाय्यं वष्ति । इच्छति । कः सखित्वं कः भ्रात्रं भ्रातृभावं वृष्टि । इच्छति । कवये क्रान्तदर्शिन इन्द्रायोती ऊतये तर्पणाय । को भवतीति शेषः ॥ २ ॥