न रे॒वता᳚ प॒णिना᳚ स॒ख्यमिन्द्रो॑सु᳚न्वता सुत॒पाः सं गृ᳚णीते ।
आस्य॒ वेदः᳚ खि॒दति॒ हन्ति᳚ न॒ग्नं वि सुष्व᳚ये प॒क्तये॒ केव᳚लो भूत् ॥
आस्य॒ वेदः᳚ खि॒दति॒ हन्ति᳚ न॒ग्नं वि सुष्व᳚ये प॒क्तये॒ केव᳚लो भूत् ॥
पदपाठः (Word-by-word)
न । रे॒वता᳚ । प॒णिना᳚ । स॒ख्यम् । इन्द्रः᳚ । असु᳚न्वता । सु॒त॒॑पाः । सम् । गृ॒णी॒ते॒ ।
आ । अ॒स्य॒ । वेदः᳚ । खि॒दति᳚ । हन्ति᳚ । न॒ग्नम् । वि । सुस्व᳚ये । प॒क्तये᳚ । केव᳚लः । भू॒त् ॥
आ । अ॒स्य॒ । वेदः᳚ । खि॒दति᳚ । हन्ति᳚ । न॒ग्नम् । वि । सुस्व᳚ये । प॒क्तये᳚ । केव᳚लः । भू॒त् ॥
सायणभाष्यम् (Sayana Commentary)
सुतपा अभिषुतं सोमं पिबन्निन्द्रो रेवता धनवता पणिना वणिजा लुब्धेनासुन्वता सोमाभिषवमकुर्वतायजमानेन सह सख्यं सखित्वं न सं गृणीते । न संस्तौति । नानुमन्यत इत्यर्थः । किञ्च अस्यायजमानस्य नग्नं निरर्थकं वेदो धनं ज्ञानं वा आ खिदति । उद्धरति । हन्ति । हिनस्ति च । अपि च सुष्वये सोमं सुन्वते पक्तये हवींषि पचते यजमानाय केवलोऽसाधारणः सन् विभूत् । विभवति ॥ ७ ॥