अ॒हं पुरो᳚ मन्दसा॒नो व्यै᳚रं॒ नव᳚ सा॒कं न᳚व॒तीः शम्ब᳚रस्य ।
श॒त॒त॒मं वे॒श्यं᳚ स॒र्वता᳚ता॒ दिवो᳚दासमतिथि॒ग्वं यदाव᳚म् ॥
श॒त॒त॒मं वे॒श्यं᳚ स॒र्वता᳚ता॒ दिवो᳚दासमतिथि॒ग्वं यदाव᳚म् ॥
पदपाठः (Word-by-word)
अ॒हम् । पुरः᳚ । म॒न्द॒सा॒नः । वि । ऐ॒र॒म् । नव᳚ । सा॒कम् । न॒व॒तीः । शम्ब᳚रस्य ।
श॒त॒॑त॒मम् । वे॒श्य᳚म् । स॒र्व॑ता᳚ता । दिवः᳚॑दासम् । अ॒ति॒थि॒॑ग्वम् । यत् । आव᳚म् ॥
श॒त॒॑त॒मम् । वे॒श्य᳚म् । स॒र्व॑ता᳚ता । दिवः᳚॑दासम् । अ॒ति॒थि॒॑ग्वम् । यत् । आव᳚म् ॥
सायणभाष्यम् (Sayana Commentary)
अहं वामदेव इन्द्रो वा मन्दसानः सोमेन माद्यन्नव नवसंख्याका नवतीर्नवतिसंख्याकाश्च शम्बरस्यैतत्नामकस्यासुरस्य संबन्धीनि पुरः पुराणि साकं युगपदेव व्यैरम् । अध्वंसयम् । शततमं शतसंख्यापूरणं पुरं वेश्यं दिवोदासनाम्ने प्रवेशार्हमकरवम् । सर्वताता सर्वतातौ यज्ञेऽतिथिग्वमतिथीनामभिगन्तारं दिवोदासं दिवोदासनामकं राजर्षिं यदावं अपालयम् । तदा पुरो व्यैरमिति पूर्वेण सम्बन्धः ॥ ३ ॥