भर॒द्यदि॒ विरतो॒ वेवि᳚जानः प॒थोरुणा॒ मनो᳚जवा असर्जि ।
तूयं᳚ ययौ॒ मधु᳚ना सो॒म्येनो॒त श्रवो᳚ विविदे श्ये॒नो अत्र᳚ ॥
तूयं᳚ ययौ॒ मधु᳚ना सो॒म्येनो॒त श्रवो᳚ विविदे श्ये॒नो अत्र᳚ ॥
पदपाठः (Word-by-word)
भर᳚त् । यदि᳚ । विः । अतः᳚ । वेवि᳚जानः । प॒था । उ॒रुणा᳚ । मनः᳚॑जवाः । अ॒स॒र्जि॒ ।
तूय᳚म् । य॒यौ॒ । मधु᳚ना । सो॒म्येन᳚ । उ॒त । श्रवः᳚ । वि॒वि॒दे॒ । श्ये॒नः । अत्र᳚ ॥
तूय᳚म् । य॒यौ॒ । मधु᳚ना । सो॒म्येन᳚ । उ॒त । श्रवः᳚ । वि॒वि॒दे॒ । श्ये॒नः । अत्र᳚ ॥
सायणभाष्यम् (Sayana Commentary)
यदि यदा विः पक्शी श्येनोऽतोऽमुश्माद्द्युलोकाद्वेविजानः सोमपालकान् भीशयन् भरत् । अहरत् । सोममाहृतवान् । तदोरुणा विस्तीर्णेन पथान्तरिक्षमार्गेण मनोजवा मनोवद्वेगयुक्तः सन् असर्जि । संसृष्ट आसीत् । सोम्येन सोममयेन मधुनान्नेन सह तूयं क्शिप्रं ययौ । जगाम । उतापि च अत्रास्मिन् लोके त्येनः सुपर्णः श्रवः सोमाहरननिमित्तं यशो विविदे । लेभे ॥ ५ ॥