श्येनः शंसनीयगमनः पक्शी सवान् सवानां यज्ञानां सहस्रं सहस्रसंख्याकमयुतं चायुतसंख्याकम् । अपरिमितसंख्याकमित्यर्थः । साकं सह सोमं सोमलक्षणमन्नमादायादानं कृत्वाभरत् । अहरत् । आजहात । अत्रास्मिन् सोम आहृते सति पुरन्धिः पुरन्धीर्बहुकर्मामूरोऽमूढः प्राज्ञः इन्द्रः सोमस्य सम्बन्धिनि मदे हर्षे सति मूरा मूढा अरातीः शत्रूनजहात् । अत्यजत् । जघानेत्यर्थः ॥ अत्रारातिशब्दः स्त्रीलङ्गः ॥ ७ ॥