ये दे॒वासो॒ अभ᳚वता सुकृ॒त्या श्ये॒ना इ॒वेदधि᳚ दि॒वि नि᳚षे॒द ।
ते रत्नं᳚ धात शवसो नपात॒ः सौध᳚न्वना॒ अभ᳚वता॒मृता᳚सः ॥
ते रत्नं᳚ धात शवसो नपात॒ः सौध᳚न्वना॒ अभ᳚वता॒मृता᳚सः ॥
पदपाठः (Word-by-word)
ये । दे॒वासः᳚ । अभ᳚वत । सु॒॑कृ॒त्या । श्ये॒नाः॑इ᳚व । इत् । अधि᳚ । दि॒वि । नि॒॑से॒द ।
ते । रत्न᳚म् । धा॒त॒ । श॒व॒सः॒ । न॒पा॒तः॒ । सौध᳚न्वनाः । अभ᳚वत । अ॒मृता᳚सः ॥
ते । रत्न᳚म् । धा॒त॒ । श॒व॒सः॒ । न॒पा॒तः॒ । सौध᳚न्वनाः । अभ᳚वत । अ॒मृता᳚सः ॥
सायणभाष्यम् (Sayana Commentary)
हे ऋभवो ये यूयं सुकृत्या शोभनकर्मणा देवासो देवा अभवत । अभूत । श्येना इवेत् शंसनीयगतयो गृध्रविशेषा इव दिवि द्युलोकेऽधि निषेद अधिनिषण्णाः हे शवसो नपातो बलवन्तस्ते यूयं रत्नं धनं धात । प्रयच्छत । हे सौधन्वना अमृतासोऽमृता देवा अभवत ॥ ८ ॥