यत्तृ॒तीयं॒ सव᳚नं रत्न॒धेय॒मकृ᳚णुध्वं स्वप॒स्या सु᳚हस्ताः ।
तदृ᳚भव॒ः परि᳚षिक्तं व ए॒तत्सं मदे᳚भिरिन्द्रि॒येभि᳚ः पिबध्वम् ॥
तदृ᳚भव॒ः परि᳚षिक्तं व ए॒तत्सं मदे᳚भिरिन्द्रि॒येभि᳚ः पिबध्वम् ॥
पदपाठः (Word-by-word)
यत् । तृ॒तीय᳚म् । सव᳚नम् । र॒त्न॒॑धेय᳚म् । अकृ᳚णुध्वम् । सु॒॑अ॒प॒स्या । सु॒॑ह॒स्ताः॒ ।
तत् । ऋ॒भ॒वः॒ । परि᳚॑सिक्तम् । वः॒ । ए॒तत् । सम् । मदे᳚भिः । इ॒न्द्रि॒येभिः᳚ । पि॒ब॒ध्व॒म् ॥
तत् । ऋ॒भ॒वः॒ । परि᳚॑सिक्तम् । वः॒ । ए॒तत् । सम् । मदे᳚भिः । इ॒न्द्रि॒येभिः᳚ । पि॒ब॒ध्व॒म् ॥
सायणभाष्यम् (Sayana Commentary)
हे सुहस्ताः शोभनहस्ता ऋभवो रत्नधेयं रमणीयसोमदानवद्यत्तृतीयं सवनमकृणुध्वम् । प्रसाधितवन्तः । स्वपस्या शोभनकर्मेच्छया तदेतत्सवनं सवनगतं सोमद्रव्यं परिषिक्तं परिषेचनवद्वो युष्माकं सम्बन्धिभिर्मदेभिर्माद्यद्भिरिन्द्रियेभिरिन्द्रियैः सं पिबध्वम् । यद्यपि वदनमेव पानसाधनं तथापि चक्षुः श्रोत्रादीनामपि दर्शनश्रवणादिना तृप्तिसद्भावात्पातृत्वमुपचर्यते ॥ ९ ॥