इन्द्रावरुणौ देवौ नो हिते तोके पुत्रे तनये तत्पुत्रे चोर्वरासु सस्याढ्यासु भूमिषु निमित्तभूतासु सूरः प्रेरकस्य सूर्यस्य दृशीके चिरकालदर्शनाय । चिरजीवनायेत्यर्थः । तथा वृषणः सेक्तुर्मम पौंस्ये च पुंस्त्वाय च पुनरपि प्रजननसामर्थ्याय च दस्मा शत्रूणां हिंसकौ सन्तौ नोऽस्माकमवोभीरक्षणैः सह परितक्म्यायां परितकने निमित्तभुते सति । यद्वा रात्रिनामैतत् । रात्रौ हिंसकानां वधाय स्याताम् । भवेताम् ॥ ६ ॥