स॒द्यो जा॒तस्य॒ ददृ᳚शान॒मोजो॒ यद᳚स्य॒ वातो᳚ अनु॒वाति᳚ शो॒चिः ।
वृ॒णक्ति᳚ ति॒ग्माम᳚त॒सेषु᳚ जि॒ह्वां स्थि॒रा चि॒दन्ना᳚ दयते॒ वि जम्भै᳚ः ॥
वृ॒णक्ति᳚ ति॒ग्माम᳚त॒सेषु᳚ जि॒ह्वां स्थि॒रा चि॒दन्ना᳚ दयते॒ वि जम्भै᳚ः ॥
पदपाठः (Word-by-word)
स॒द्यः । जा॒तस्य᳚ । ददृ᳚शानम् । ओजः᳚ । यत् । अ॒स्य॒ । वातः᳚ । अ॒नु॒॑वाति᳚ । शो॒चिः ।
वृ॒णक्ति᳚ । ति॒ग्माम् । अ॒त॒सेषु᳚ । जि॒ह्वाम् । स्थि॒रा । चि॒त् । अन्ना᳚ । द॒य॒ते॒ । वि । जम्भैः᳚ ॥
वृ॒णक्ति᳚ । ति॒ग्माम् । अ॒त॒सेषु᳚ । जि॒ह्वाम् । स्थि॒रा । चि॒त् । अन्ना᳚ । द॒य॒ते॒ । वि । जम्भैः᳚ ॥
सायणभाष्यम् (Sayana Commentary)
सद्यो जातस्यारणिनिर्मन्थनादनन्तरमेवोत्पन्नस्याग्नेरोजस्तेजो ददृशानम् । ऋत्विगादिभिर्दृश्यमानं भवतीति शेषः । वातो वायुर्यद्यदास्याग्नेः शोचिर्दीप्तिमनु लक्षीकृत्य वाति गच्छति तदा सोऽयमग्निरतसेषु वृक्षसङ्घेषु तिग्मां तीक्ष्णां जिह्वां ज्वालां वृणक्ति । संयोजयति । स्थिरा चित् स्थिराण्यप्यन्नान्नरूपाणि काष्थादीनि जंभैस्तेजोभिर्विदयते । विखण्डयति । भक्षयतीत्यर्थः ॥ १० ॥