शश्वतीषु बह्वीषु मातृष्वप्सु । ताः सस्यादिनिर्मातृकत्वान्मातर इत्युच्यन्ते । वन आ वृक्षसमूहे च । आकारश्चार्थे । सन्तं विद्यमानं वीतं कान्तमश्रितं प्राणिभिर्वाहभयादसेवितम् । दुरासदमित्यर्थः । चित्रं चायनीयं गुहा गुहायां हितं निहितं सुवेदं सुविज्ञानं सुधनं वा कूचिदर्थिनं क्वापि हविष्यर्थिनं समिदाज्यपुरोडाशादि हविः स्वीकुर्वन्तम् । क्वेत्यत्र वकारस्य छान्दसे सम्प्रसारने परपूर्वत्वे च हल इत्यदीर्घत्वम् । एवंभूतमग्निं निषेदिर इति पूर्वेन सम्बन्धः ॥ ६ ॥