ते स्या᳚म॒ ये अ॒ग्नये᳚ ददा॒शुर्ह॒व्यदा᳚तिभिः ।
य ईं॒ पुष्य᳚न्त इन्ध॒ते ॥
य ईं॒ पुष्य᳚न्त इन्ध॒ते ॥
पदपाठः (Word-by-word)
ते । स्या॒म॒ । ये । अ॒ग्नये᳚ । द॒दा॒शुः । ह॒व्य॑दा᳚तिभिः ।
ये । ई॒म् । पुष्य᳚न्तः । इ॒न्ध॒ते ॥
ये । ई॒म् । पुष्य᳚न्तः । इ॒न्ध॒ते ॥
सायणभाष्यम् (Sayana Commentary)
ते तव यजमानाः स्याम । भूयाम । त इत्युक्तम् । क इत्युच्यते । ये यजमाना अग्नये हव्यदातिभिर्हविर्दानैर्ददाशुः । प्रीतिं कुर्वन्ति । ईमेनमग्निं पुष्यन्तो वर्धयन्तो ये यजमाना इन्धते । समिद्भिर्दीप्तियुक्तं कुर्वन्ति ॥ ५ ॥