ते रा॒या ते सु॒वीर्यै᳚ः सस॒वांसो॒ वि शृ᳚ण्विरे ।
ये अ॒ग्ना द᳚धि॒रे दुवः᳚ ॥
ये अ॒ग्ना द᳚धि॒रे दुवः᳚ ॥
पदपाठः (Word-by-word)
ते । रा॒या । ते । सु॒॑वीर्यैः᳚ । स॒स॒॑वांसः᳚ । वि । शृ॒ण्वि॒रे॒ ।
ये । अ॒ग्ना । द॒धि॒रे । दुवः᳚ ॥
ये । अ॒ग्ना । द॒धि॒रे । दुवः᳚ ॥
सायणभाष्यम् (Sayana Commentary)
ये यजमाना अग्नाग्नौ । सुपां सुलुगित्याकारः । दुवः परिचर्यां दधिरे । धारयन्ति । कुर्वन्तित्यर्थः । ते ससवांसोऽग्निं सम्भजमाना राया पश्वादिलक्षणेन धनेन वि शृण्विरे । विश्रूयन्ते । प्रख्यायन्ते । ते सुवीर्यैः शोभनवीर्योपेतैः पुत्रादिभिश्च विश्रूयन्ते ॥ ६ ॥