तस्येदि॒ह स्त᳚वथ॒ वृष्ण्या᳚नि तुविद्यु॒म्नस्य᳚ तुवि॒राध᳚सो॒ नॄन् ।
यस्य॒ क्रतु᳚र्विद॒थ्यो॒३॒᳚ न स॒म्राट् सा॒ह्वान्तरु᳚त्रो अ॒भ्यस्ति᳚ कृ॒ष्टीः ॥
यस्य॒ क्रतु᳚र्विद॒थ्यो॒३॒᳚ न स॒म्राट् सा॒ह्वान्तरु᳚त्रो अ॒भ्यस्ति᳚ कृ॒ष्टीः ॥
पदपाठः (Word-by-word)
तस्य᳚ । इत् । इ॒ह । स्त॒व॒थ॒ । वृष्ण्या᳚नि । तु॒वि॒॑द्यु॒म्नस्य᳚ । तु॒वि॒॑राध᳚सः । नॄन् ।
यस्य᳚ । क्रतुः᳚ । वि॒द॒थ्यः᳚ । न । स॒म्॑राट् । स॒ह्वान् । तरु᳚त्रः । अ॒भि । अस्ति᳚ । कृ॒ष्टीः ॥
यस्य᳚ । क्रतुः᳚ । वि॒द॒थ्यः᳚ । न । स॒म्॑राट् । स॒ह्वान् । तरु᳚त्रः । अ॒भि । अस्ति᳚ । कृ॒ष्टीः ॥
सायणभाष्यम् (Sayana Commentary)
तुविद्युम्नस्य बहुकीर्तेस्तुविराधसो बहुधनस्य तस्येत्तस्येन्द्रस्यैव वृष्ण्यानि बलभूतान्नॄन् नेतॄन्मरुतो हे स्तोतारो यूयमिहास्मिन्यज्ञेस्तवथ । स्तुत । साह्वान् शत्रूनभिभावुकस्तरुत्रोऽस्मानापद्भ्यस्तारको यस्येन्द्रस्य क्रतुः कर्म कृष्टीः शत्रुसम्बन्धिनीः प्रजा अभ्यस्ति अभिभवति । तत्र दृष्टान्तः । विदथ्यो न सम्राट् । विदथार्हो न यज्ञार्हः सम्राट् सकललोकानामधिपतिरिव तद्वत् । तस्य वृष्ण्यानीति पूर्वेण सम्बन्धः ॥ २ ॥