स॒त्रा यदीं᳚ भार्व॒रस्य॒ वृष्ण॒ः सिष᳚क्ति॒ शुष्म᳚ः स्तुव॒ते भरा᳚य ।
गुहा॒ यदी᳚मौशि॒जस्य॒ गोहे॒ प्र यद्धि॒ये प्राय᳚से॒ मदा᳚य ॥
गुहा॒ यदी᳚मौशि॒जस्य॒ गोहे॒ प्र यद्धि॒ये प्राय᳚से॒ मदा᳚य ॥
पदपाठः (Word-by-word)
स॒त्रा । यत् । ई॒म् । भा॒र्व॒रस्य᳚ । वृष्णः᳚ । सिस᳚क्ति । शुष्मः᳚ । स्तु॒व॒ते । भरा᳚य ।
गुहा᳚ । यत् । ई॒म् । औ॒शि॒जस्य᳚ । गोहे᳚ । प्र । यत् । धि॒ये । प्र । अय᳚से । मदा᳚य ॥
गुहा᳚ । यत् । ई॒म् । औ॒शि॒जस्य᳚ । गोहे᳚ । प्र । यत् । धि॒ये । प्र । अय᳚से । मदा᳚य ॥
सायणभाष्यम् (Sayana Commentary)
भार्वरस्य । भर्वरो जगद्भर्ता प्रजापतिः । तस्य पुत्रो भार्वरः । तस्य वृष्णः कामानां वर्षितुरिन्द्रस्य सम्बन्धी ई मेष शुष्मो बलं स्तुवते स्तोत्रं कुर्वन्तं यजमानं सिषक्ति सेवत इति यत्तत्सत्रा सत्यमेव । ईमेतद्वलमौशिजस्य यजमानस्य भराय भर्तुं गुहा गुहायां गुहारूपे हृदये प्र भवतिति यत्तत्सत्यम् । यजमानस्य होहे गृहे धिये कर्मणे प्र भवतीति यत्तत्य्सत्यम् । अयसे गमनाय कामानां प्राप्त्र्ये मदाय हर्षाय तत्र यद्बलं प्रभवति तत्सत्यम् । इन्द्रस्य बलं यजमानं सर्वदा पालयतीत्यर्थः ॥ ७ ॥